جھانوی کپور کی ملتوی ہونےوالی فلم کوسنسربورڈسے اجازت مل گئی
ممبئی (شوبز ڈیسک) انڈین سنسر بورڈ نے بالی ووڈ اداکارہ جھانوی کپور کی ملتوی ہونےوالی نئی تھرلر فلم ’’الجھ‘ ‘کو نمائش کی اجازت دے دی ۔ بھارتی میڈیا کے مطابق، فلم کو ’یواے‘ سرٹیفکیٹ دیا گیا ہے اور دو گھنٹے 14 منٹ کی اس فلم میں کوئی کٹ نہیں
لگایا گیا، البتہ مختلف مقامات پر نازیبا الفاظ کو میوٹ کرنے کی ہدایت کی گئی ہے۔
فلم کی ریلیز پہلے 5 جولائی 2024 کو متوقع تھی لیکن کچھ ناگزیر وجوہات کی بنا پر اس کی ریلیز ملتوی کر دی گئی۔ جھانوی کپور نے انسٹاگرام پر
اعلان کیا ہے کہ ’الجھ‘ اب 5 اگست کو سینما گھروں میں نمائش کے لیے پیش کی جائے گی۔فلم کی کہانی ایک نوجوان انڈین سفارت کار کے گرد گھومتی ہے جو اپنے کیریئر اور ذاتی زندگی میں مختلف مشکلات کا سامنا کرتا ہے۔ اس فلم میں جھانوی کپور کے ساتھ روشن میتھیو اور گلشن دیویہا بھی مرکزی کردار میں نظر آئیں گے۔
