یمنی زیدی نے شادی نہ کرنے کی وجہ بتاتے ہوئے اہم راز سے پردہ اٹھا دیا
امریکہ: یمنیٰ زیدی جو اپنی جاندار اداکاری اور دلکش شخصیت کے باعث پاکستان، بھارت اور بنگلادیش سمیت مختلف ممالک میں معروف ہیں، نے شوبز انڈسٹری میں ایک دہائی سے زائد کا وقت گزارا ہے ۔ انہوں نے شادی نہ کرنے کی وجہ بتاتے ہوئے اہم راز سے پردہ اٹھا دیا ہے۔
اداکارہ نے اپنے مختلف ڈراموں میں کئی نوعیت کے کردار ادا کیے، چاہے وہ سنجیدہ ہوں یا مزاحیہ، اور ان کرداروں کی وجہ سے انہوں نے عالمی شہرت حاصل کی ہے۔
یمنیٰ زیدی کے مداح اکثر یہ سوال کرتے ہیں کہ وہ ابھی تک سنگل کیوں ہیں، مگر اب اداکارہ نے اس سوال کا جواب دے دیا ہے۔
سوشل میڈیا پر یمنیٰ زیدی اور ان کے ساتھی اداکار وہاج علی کی ایک ویڈیو وائرل ہو رہی ہے، جس میں دونوں کو اسٹیج پر بیٹھے دیکھا جا سکتا ہے۔
یہ ویڈیو ان کے امریکی دورے کے دوران کی ہے، جہاں وہ دونوں اگست تک مختلف امریکی شہروں کا دورہ کریں گے۔
یمنیٰ زیدی نے اعتراف کیا کہ وہ ایک سخت مزاج خاتون ہیں اور انہیں خود بھی نہیں معلوم کہ ان کی شخصیت ایسی کیوں ہے۔ انہوں نے کہا کہ یہی سخت مزاجی ان کی سنگل زندگی کی وجہ ہے۔
اداکارہ نے مزید بتایا کہ حالانکہ یہ وجہ شاید کچھ عجیب لگے، لیکن وہ اپنی تنہائی میں خوش ہیں۔
