سنیتا مارشل اور حسن احمد کے بچے مسلمان ہیں، سنیتا نے انٹرویو میں کیا کہا؟

لاہور، – مسیحی اداکارہ سنیتا مارشل نے بتایا ہے کہ ان کے اور ان کے شوہر حسن احمد کے بچے مسلمان ہیں۔

انہوں نے یہ بات ایک انٹرویو میں کی جس میں ان سے پوچھا گیا کہ ان کے بچے بڑے ہونے پر جب ان سے مذہب کے بارے میں سوالات پوچھیں گے تو وہ ان کا کیا جواب دیں گی۔

سنیتا نے کہا کہ انہوں نے اور حسن نے شادی سے پہلے ہی یہ فیصلہ کر لیا تھا کہ ان کے بچے مسلمان ہوں گے۔ انہوں نے کہا کہ وہ نہیں چاہتی تھیں کہ ان کے بچے مذہبی کشمکش کا شکار ہوں، اس لیے انہوں نے ایک ہی مذہب کا انتخاب کرنے کا فیصلہ کیا۔

انہوں نے یہ بھی کہا کہ وہ اپنے بچوں کو بتائیں گی کہ وہ خود مسیحی ہیں اور عیسائیت کی پیروی کرتی ہیں، لیکن ان کے بچے مسلمان ہیں۔

انٹرویو میں حسن احمد سے بھی پوچھا گیا کہ اگر ان کی بیٹی بڑی ہو کر ان سے کہے کہ وہ اپنی والدہ کے مذہب کو فالو کرنا چاہتی ہے تو وہ کیا کریں گے۔

حسن احمد نے کہا کہ وہ اپنی بیٹی کی خواہشات کا احترام کریں گے۔ انہوں نے کہا کہ وہ چاہتے ہیں کہ ان کی بیٹی ایک اچھا انسان بنے، چاہے وہ کسی بھی مذہب کی پیروی کرے۔