بلاول بھٹو اور ’’عینک والا جن‘‘ کا دلچسپ رشتہ، اداکار نے راز افشاں کر دیا

بلاول بھٹو اور "عینک والا جن” کے درمیان ایک دلچسپ تعلق سامنے آیا ہے، جس کا انکشاف اداکار حسیب پاشا نے کیا ہے۔ یہ بات ایک پوڈکاسٹ میں ہوئی، جس میں انہوں نے بتایا کہ یہ مشہور ڈرامہ صرف عوام میں ہی مقبول نہیں تھا، بلکہ اس وقت کی وزیراعظم بے نظیر بھٹو کے بچوں، بلاول اور بختاور، کا بھی پسندیدہ تھا

حسیب پاشا نے کہا کہ بلاول بھٹو ہر بار "عینک والا جن” کی قسط نشر ہونے سے دو دن پہلے اسے دیکھ لیتے تھے۔ وہ بلاول ہاؤس جاتے تھے، جہاں بلاول اور بختاور پہلے ڈرامہ دیکھتے تھے تاکہ وہ اسکول میں اپنے دوستوں کو بتا سکیں کہ اگلی قسط میں کیا ہوگا۔ اس کے ایک دن بعد یہ ڈرامہ عوام کے لیے نشر ہوتا تھا۔
یہ ویڈیو کلپ سوشل میڈیا پر وائرل ہو رہا ہے، جس پر صارفین کی جانب سے دلچسپ تبصرے بھی کیے جا رہے ہیں۔