گرلز ہاسٹل کا مالک انتہائی شرمناک حرکت کرتے ہوئے رنگے ہاتھوں پکڑا گیا

جوہر ٹاؤن کے علاقے میں گرلز ہاسٹل میں بجلی کی چوری پکڑی گئی ہے، ہاسٹک کے مالک کے خلاف اندراج مقدمہ کی درخواست دائر کردی گئی ہے۔ چیف ایگزیکٹو لیسکو انجینئر شاہد حیدر کی ہدایت پر ریجن بھر میں بجلی چوروں کے خلاف آپریشن کامیابی سے جاری ہے، اس سلسلے میں ایس ڈی او ایئر لائن سب ڈویژن نے اپنی ٹیم کے ہمراہ جوہر ٹاؤن کے علاقے میں چیکنگ آپریشن کیا۔ آپریشن کے دوران آر 2بلاک میں واقع ایک گرلز ہاسٹل کو بھی چیک کیا گیا، ہاسٹل میں نصب میٹر کا سیریل نمبر بل پر درج سیریل نمبر سے میچ نہیں ہوا۔

میٹر کو مشکوک جان کر مزید تحقیقات کی گئیں تو انکشاف ہوا کہ ملزم نے اصل میٹر اتار کر اس کی جگہ بوگس میٹر لگا رکھا ہے، ملزم نے بوگس میٹر کے ذریعے بجلی چوری کرکے لیسکو کو 4لاکھ روپے کا نقصان پہنچایا، لیسکو حکام نے بوگس میٹر قبضے میں لے کر ملزم کے خلاف تھانہ ستوکتلہ میں اندراج مقدمہ کی درخواست دائر کردی ہے۔