برطانیہ پلٹ خاتون کو جنسی ہراساں کرنے والا ملزم گرفتار

رطانیہ پلٹ خاتون کو جنسی ہراساں کرنے والے ملزم کو گرفتار کرلیا گیا۔ ترجمان لاہور پولیس کے مطابق خاتون کی درخواست موصول ہونے پر فوری واقعہ کا مقدمہ درج کیا گیا، ایس پی ماڈل ٹاؤن نے ایس ایچ او ماڈل ٹاؤن اورنگزیب ساہی کی سربراہی میں ٹیم تشکیل دی، ٹیم نے جدید ٹیکنالوجی کی مدد سے سندر کے علاقے سے ملزم کو گرفتار کیا۔

ترجمان لاہور پولیس نے بتایا ہے کہ ایماء نامی خاتون سنٹرل پارک ماڈل ٹاؤن آئی ہوئی تھے، ملزم اسامہ برطانیہ پلٹ خاتون کو پارک میں بار بار جنسی ہراساں کرتا رہا، خاتون کے شور کرنے پر ملزم موقع سے فرار ہو گیا تھا، خاتون نے پولیس کو شکایت کی جس پر پولیس نے ملزم کو گرفتار کر کے مقدمہ درج کرلیا۔ ملزم سے مزید تحقیقات شروع کردی گئی ہیں۔ ایس پی ماڈل ٹاؤن نے اس حوالے سے کہا ہے کہ خواتین کا استحصال کرنے والا کسی رعایت کے مستحق نہیں۔

دوسری طرف بیرون ملک سے آنے والی خواتین کو حراسان کرنے والے چرسی تکہ کے مالک کو پشاور پولیس نے دوبارہ گرفتار کر لیا ہے۔ چند ماہ قبل ریسٹورینٹ کے مالک نے خاتون کو حراساں کیا تھا جسے تب گرفتار کیا گیا لیکن پھر ضمانت پر رہا کردیا گیا جسے اب دوبارہ گرفتار کرلیا گیا ہے۔