پولیس افسر رشوت لیتا رنگے ہاتھوں پکڑا گیا۔ تفصیلات کے مطابق لاہور میں پنجاب پولیس کا ایک سب انسپکٹر رشوت لیتے رنگے ہاتھوں گرفتار ہو گیا۔ بتایا گیا ہے کہ اینٹی کرپشن لاہور نے کارروائی کرتے ہوئے سب انسپکٹر لیاقت علی کو رشوت لیتے رنگے ہاتھوں گرفتار کر لیا ہے۔
سب انسپکٹر تھانہ غالب مارکیٹ لاہور لیاقت علی کو رشوت لیتے رنگے ہاتھوں گرفتار کیا گیا ہے۔ سب انسپکٹر لیاقت علی نے شہری سے ایک مقدمے میں حمایت کیلئے رشوت طلب کی تھی جس پر اینٹی کرپشن ٹیم نے مجسٹریٹ کے ہمراہ چھاپہ مار کر سب انسپکٹرکو رنگے ہاتھوں گرفتار کیا۔
اینٹی کرپشن لاہور ریجن اے نے ملزم سب انسپکٹر لیاقت علی کو گرفتارکیا۔ ملزم سے موقع پر نشان زدہ نوٹ بھی برامد کر لیے گئے۔ اینٹی کرپشن نے ملزم کے خلاف مقدمہ درج کرکے کارروائی کا آغاذ کردیا ہے۔ اینٹی کرپشن حکام کا کہنا ہے کہ کسی بھی سرکاری عہدے پر بیٹھے شخص کو عام شہریوں تنگ کرنے یا رشوت لینے کا حق حاصل حاصل نہیں ہے۔ کرپشن کے خلاف کریک ڈاؤن جاری رہے گا۔
