شیر افضل مروت کو پی ٹی آئی کا سینئر نائب صدر مقرر کردیا گیا

شیر افضل خان مروت کو پاکستان تحریک انصاف کا سینئر نائب صدر مقرر کردیا گیا ہے۔ تفصیلات کے مطابق نیوز چینل ایکسپریس نیوز نے بتایا ہے کہ آج پاکستان تحریک انصاف پارٹی میں ایک بہت اہم تقرری سامنے آئی ہے جس میں سابق وزیراعظم عمران خان کے مختلف مقدمات میں ان کے وکیل اور پاکستان تحریک انصاف کے رہنما شیر افضل خان مروت ایڈووکیٹ کو پاکستان تحریک انصاف کا سینئر نائب صدر مقرر کردیا گیا ہے۔ پاکستان تحریک انصاف کے مرکزی میڈیا ڈپارٹمنٹ کے مطابق سیکرٹری جنرل پاکستان تحریک انصاف عمر ایوب کی جانب سے شیر افضل خان مروت کی بطور صدر پی ٹی آئی تقرری کا نوٹیفکیشن بھی جاری کردیا گیا ہے۔