اٹک: ذاتی دشمنی کی بنا پر اسکول وین پر حملہ، دو معصوم بچے جان بحق
راولپنڈی کے قریب واقع ضلع اٹک کے گاؤں ڈھیری کوٹ میں، ماڈل پولیس اسٹیشن صدر اٹک کی حدود میں، نامعلوم افراد نے اسکول وین پر اندھا دھند فائرنگ کر دی جس کے نتیجے میں دو معصوم بچے جاں بحق ہوگئے۔ فائرنگ کے واقعے میں مزید پانچ بچے اور وین کا ڈرائیور زخمی ہوئے ہیں۔ زخمیوں اور جاں بحق بچوں کو فوری طور پر ڈسٹرکٹ ہیڈ کوارٹر اسپتال اٹک منتقل کر دیا گیا۔
پولیس کے مطابق جاں بحق ہونے والے بچوں کی عمر 10 سے 12 سال کے درمیان تھی اور نامعلوم حملہ آور فائرنگ کے بعد فرار ہونے میں کامیاب ہوگئے۔ پولیس نے علاقے میں ناکہ بندی کر کے سرچ آپریشن شروع کر دیا ہے۔
ڈی پی او اٹک سردار غیاث گل نے ابتدائی تحقیقات کے بعد بتایا کہ واقعہ ذاتی دشمنی کا نتیجہ ہوسکتا ہے، جس میں وین ڈرائیور کو نشانہ بنایا گیا، لیکن اس حملے کی زد میں آکر دو طالبات جان کی بازی ہار گئیں جبکہ دیگر چھ بچے زخمی ہوگئے۔
پنجاب کے آئی جی ڈاکٹر عثمان انور نے اس واقعے کا فوری نوٹس لیتے ہوئے ڈی پی او اٹک کو موقع پر پہنچ کر ملزمان کی فوری گرفتاری کے احکامات جاری کیے ہیں۔ انہوں نے آر پی او راولپنڈی سے واقعے کی تفصیلی رپورٹ طلب کرتے ہوئے ہدایت کی کہ اس واقعے کی ہر زاویے سے تفتیش کی جائے، تاکہ ملزمان کو جلد از جلد گرفتار کرکے قانون کے حوالے کیا جاسکے۔ آئی جی پنجاب نے اس بات کا یقین دلایا ہے کہ جاں بحق بچوں کے لواحقین کو انصاف فراہم کیا جائے گا۔
زمین کے گرد ملبے کا دائرہ، کیا اس نے دنیا کے موسم پر اثر ڈالا؟ میلبرن: ایک حیرت انگیز تحقیق…
2030 تک سعودی عرب شمسی توانائی سے 40 گیگا واٹ بجلی پیدا کرے گا ریاض: سعودی عرب نے شمسی توانائی…
کراچی میں یومیہ 45 افراد ہارٹ اٹیک کا شکار، 15 فیصد نوجوان نسل شامل کراچی: قومی ادارہ برائے امراض قلب…
مولانا طارق جمیل نے ہیئر ٹرانسپلانٹ کروالیا، ویڈیو وائرل پاکستان کے معروف اسلامی اسکالر اور عالمی شہرت یافتہ مبلغ، مولانا…
فیض حمید کا سیاسی کردار فوج کی روایات کے منافی تھا: سیکیورٹی حکام پاکستان کے اعلیٰ سیکیورٹی حکام نے ایک…
علی امین گنڈاپور کا لاہور جلسے کے حوالے سے اہم پیغام جاری پشاور: وزیراعلی خیبرپختونخوا نے لاہور جلسے کے حوالے…