پاؤں کا مساج کرنے سے انکار پر بیٹے نے باپ کو قتل کر ڈالا
بھارتی ریاست مہاراشٹرا کے شہر ناگپور میں ایک دل دہلا دینے والا واقعہ پیش آیا جہاں ایک ناخلف بیٹے نے پاؤں کا مساج کرنے سے انکار پر اپنے بزرگ والد کو بہیمانہ تشدد کا نشانہ بنا کر قتل کر ڈالا۔ اس واقعے نے مقامی لوگوں کو ہلا کر رکھ دیا ہے۔
تفصیلات کے مطابق، 33 سالہ کشال شندے نے اپنے 62 سالہ والد دتاتریا شندے کو پاؤں کا مساج کرنے کے لیے کہا۔ جب والد نے اس کام سے انکار کیا تو بیٹے نے شدید غصے میں آکر اپنے والد کو لاتوں اور مکوں سے تشدد کا نشانہ بنایا۔ اس دوران کشال کے بڑے بھائی نے اسے روکنے کی کوشش کی، لیکن وہ اپنے والد کو بچانے میں ناکام رہا۔
پولیس کے مطابق، کشال نے اپنے والد کے سینے اور پیٹ پر اس قدر شدت سے حملہ کیا کہ ان کی پسلیاں ٹوٹ گئیں اور سر پر بھی شدید چوٹیں آئیں، جو ان کی موت کا سبب بنیں۔ پولیس نے ملزم کو گرفتار کر کے قانونی کارروائی شروع کر دی ہے۔
اس المناک واقعے نے خاندانوں کے اندر بڑھتی ہوئی تنازعات اور تشدد کی طرف ایک سنگین اشارہ دیا ہے اور معاشرتی رویوں پر بھی سوالات اٹھائے ہیں۔
