فحش فلمیں دیکھنے کا خوفناک انجام، بھائی درندہ بن گیا
مدھیہ پردیش، بھارت- بھارتی ریاست مدھیہ پردیش میں ایک لرزہ خیز واقعہ پیش آیا ہے جہاں 13 سالہ نابالغ لڑکے نے اپنی 9 سالہ بہن کے ساتھ جنسی زیادتی کے بعد اس کا قتل کردیا۔
پولیس کے مطابق، لڑکے نے رات گئے اپنے موبائل فون پر فحش فلم دیکھی جس کے بعد اس نے اپنی بہن کو زیادتی کا نشانہ بنایا۔ جب بچی نے کہا کہ وہ صبح اپنے والد کو شکایت کرے گی تو لڑکے نے غصے میں آکر اس کا گلا گھونٹ دیا۔
اس واقعے کے دوران، 18 اور 17 سالہ بہنیں بھی جاگ گئیں۔ ماں نے ان دونوں کو مردہ بچی کے ساتھ سلا دیا اور اپنے بیٹے کو اپنے ساتھ رکھا۔ صبح کے وقت ماں نے محلے والوں کو بتایا کہ بچی کو زہریلے کیڑے نے کاٹا ہے، جس سے اس کی موت واقع ہوئی ہے۔
محلے والوں کے اصرار پر، بچی کو پہلے ایک پرائیوٹ ڈاکٹر کے پاس لے جایا گیا، جس نے انہیں سرکاری اسپتال لے جانے کا مشورہ دیا۔ سرکاری اسپتال میں ڈاکٹر نے پولیس کو بلایا جب اسے شبہ ہوا۔ پولیس نے خاندان کے ہر فرد سے الگ الگ پوچھ گچھ کی اور تضاد پر مبنی بیانات کی بنیاد پر ماں اور بڑی بہنوں کو سختی سے پوچھ گچھ کا نشانہ بنایا۔
ماں اور دونوں بڑی بیٹیوں نے آخرکار اپنے جرم کا اعتراف کرلیا۔ بچی کی لاش کو پوسٹ مارٹم کے لیے بھیجا گیا، جہاں اس کے ساتھ جنسی زیادتی اور گلا گھونٹ کر قتل کیے جانے کی تصدیق ہوگئی۔
پولیس ملزم کی تلاش میں مصروف ہے جو واقعے کے بعد فرار ہوگیا ہے۔
یہ واقعہ ایک بار پھر اس بات پر زور دیتا ہے کہ فحش مواد کی باآسانی دستیابی اور استعمال نوجوان ذہنوں پر کس قدر تباہ کن اثرات مرتب کر سکتا ہے۔
