والدین اور پھوپھی کی نگرانی میں پسند کی شادی کرنے والے جوڑے کاقتل
کراچی: منگھو پیر کے علاقے سلطان آباد میں پسند کی شادی کرنے والے جوڑے کے قتل کا مقدمہ درج کر لیا گیا ہے، جس میں انکشاف ہوا ہے کہ لڑکی اور لڑکے کا قتل ان کے والدین اور پھپھو کی نگرانی میں ہوا۔
تفصیلات کے مطابق، سرکاری مدعیت میں درج کیے گئے مقدمے میں کہا گیا ہے کہ لڑکی کی والدہ، پھپھو اور والد کی موجودگی میں پانچ سے زائد افراد نے میاں بیوی کو قتل کیا۔ مقتولین نے 3 مئی کو کورٹ میرج کی تھی اور منگھو پیر میں اپنے رشتہ دار کے گھر میں رہائش پذیر تھے۔
یہ قتل غیرت کے نام پر کیا گیا اور اس واقعے نے علاقے میں خوف و ہراس پھیلا دیا ہے۔ پولیس نے مقدمہ درج کر کے تحقیقات شروع کر دی ہیں اور ملزموں کو گرفتاری کے لئے پولیس چھاپے مارے جا رہے ہیں۔
