گوجرانوالہ: وفاقی تحقیقاتی ادارے (ایف آئی اے) نے لیبیا کشتی حادثے میں ملوث مرکزی ملزم عثمان خان کو گجرات سے گرفتار کر لیا۔
ایف آئی اے کے ترجمان کے مطابق ملزم کا نام وزارت داخلہ کی ریڈ بک میں شامل تھا اور وہ انسانی اسمگلنگ کے متعدد مقدمات میں ایف آئی اے کو مطلوب تھا۔ حکام کا کہنا ہے کہ عثمان خان نے ایک شہری کو یورپ بھیجنے کے لیے 24 لاکھ روپے وصول کیے تھے۔ گرفتار ملزم کو تھانہ ایف آئی اے منتقل کر دیا گیا ہے جہاں اس سے مزید تحقیقات جاری ہیں۔
واضح رہے کہ 5 فروری کو لیبیا کے ساحل کے قریب تارکین وطن کی ایک کشتی حادثے کا شکار ہوگئی تھی، جس میں 16 پاکستانی جان کی بازی ہار گئے تھے۔
