پشاور کی معروف ٹک ٹاکر سیما گل المعروف ’سائیکو ارباب‘ کی پوسٹ مارٹم رپورٹ جاری کردی گئی، جس میں ان کی موت کی اصل وجہ کا انکشاف ہوا کہ سیما گل کی موت 6 اقسام کی نشہ آور گولیاں کھانے سے ہوئی ہے جبکہ متوفی کے ساتھ جنسی زیادتی کے کوئی شواہد نہیں ملے۔
پولیس کے مطابق 7 فروری کو ورسک روڈ، ارباب فلیٹس میں سیما گل مردہ حالت میں پائی گئی تھیں۔ ابتدائی تفتیش سے معلوم ہوا کہ ان کی موت نشہ آور گولیوں کی زیادہ مقدار کھانے سے ہوئی۔ ان کے بھائی کی مدعیت میں مقدمہ درج کرکے مزید تفتیش کا آغاز کیا تھا۔
