یونائیٹڈ موٹر سائیکل کی قیمت میں 60 ہزار روپے کا بڑا اضافہ

ڈالر کی قیمت میں اضافے کے ساتھ ہیں موٹرسائیکلوں کی قیمت میں بھی مزید اضافہ ہونے لگا ہے۔ تفصیلات کے مطابق یونائیٹڈ موٹر سائیکل کی قیمت میں 60 ہزار روپے کا بڑا اضافہ ہو گیا ہے۔ یونائیٹڈ آٹوز نے موٹر سائیکل صارفین کو بڑا جھٹکا دیتے ہوئے اپنی یو ایس 150 ماڈل کی قیمت میں 60 ہزار روپے کا اضافہ کردیا۔ یونائیٹڈ آٹوز نے اپنی بجٹ فرینڈلی 150 سی سی موٹر سائیکل چند ماہ قبل ہی متعارف کرائی تھی، جس کی قیمت غیر معمولی اضافے کے بعد 3 لاکھ 30 ہزار روپے تک پہنچ گئی ہے۔

یہاں خیال رہے کہ موٹر سائیکل کی قیمت میں اضافہ ایسے وقت میں سامنے آیا ہے جب امریکی ڈالر کے مقابلے میں پاکستانی روپے کی قدر میں اضافہ دیکھنے میں آرہا ہے۔ اس سے قبل حال ہی میں یاماہا نے کچھ عرصے میں دو بار اپنی موٹر سائیکلوں کی قیمتوں میں اضافہ کیا ہے۔

کاورباری ہفتے کے آغاز پر پہلے ہی دنڈالر 13 پیسے مہنگا ہو گیا ہے جس کے بعد ڈالر 285 روپے 50 پیسے میں ٹریڈ کر رہا ہے۔ واضح رہے کہ جمعے کے روز انٹر بینک میں ڈالر کی قیمت 10 پیسے اضافے سے 285 روپے 37 پیسے ریکارڈ کی گئی تھی۔ پاکستان اسٹاک ایکسچینج میں بھی آج کاروبار کا ملا جلا رجحان دیکھا جا رہا ہے۔