پشاور خیبرپختونخوا حکومت نے چیف سیکرٹری کی تبدیلی کا فیصلہ کر لیا ہے اور اس حوالے سے وفاقی حکومت کو تین نام ارسال کر دیے گئے ہیں۔ خیبرپختونخوا حکومت نے شہاب علی شاہ، ڈاکٹر شہزاد بنگش اورفخر عالم کے ناموں کی تجویز دی ہے۔ شہاب علی شاہ سابق ایڈیشنل چیف سیکرٹری پی اینڈ ڈی خیبرپختونخوا اس وقت بلوچستان میں اے سی ایس کے طور پر خدمات انجام دے رہے ہیں جبکہ ڈاکٹر شہزاد بنگش اس سے قبل خیبرپختونخوا کے چیف سیکرٹری رہ چکے ہیں اور فخر عالم ماضی میں سندھ کے چیف سیکرٹری کے طور پر فرائض سرانجام دے چکے ہیں
خیبرپختونخوا کے موجودہ چیف سیکرٹری ندیم اسلم 2023 سے اس عہدے پر تعینات ہیں۔ ذرائع کے مطابق، صوبائی حکومت انتظامی امور کو مزید موثر بنانے کے لیے نئی تقرری کی خواہاں ہے۔
