قائم مقام صدر یوسف رضا گیلانی نے قومی اسمبلی کا اجلاس 10 فروری کو طلب کر لیا

اسلام آباد – قائم مقام صدر یوسف رضا گیلانی نے قومی اسمبلی کا اجلاس 10 فروری بروز پیر شام 5 بجے طلب کر لیا۔ اجلاس کا ایجنڈا ایک روز قبل، 9 فروری کو جاری کیا جائے گا۔ پچھلے اجلاس میں قومی اسمبلی نے وفاقی وزیر رانا تنویر کی جانب سے پیش کیا گیا پیکا ایکٹ ترمیمی بل 2025 منظور کر لیا تھا۔ تاہم، اس بل کی منظوری پر صحافیوں نے احتجاج کرتے ہوئے پریس گیلری سے واک آؤٹ کیا۔ حکومت کی کسی اتحادی جماعت نے بل کی مخالفت نہیں کی۔ اپوزیشن بل پیش کیے جانے سے پہلے ہی واک آؤٹ کر چکی تھی۔