لاہور: تین ملکی کرکٹ ٹورنامنٹ میں شرکت کے لیے نیوزی لینڈ کے بعد جنوبی افریقہ کی ٹیم بھی لاہور پہنچ گئی ہے۔
ذرائع کے مطابق جنوبی افریقی ٹیم جوہانسبرگ سے دبئی کے راستے لاہور پہنچی، جہاں انہیں سخت سیکیورٹی میں نجی ہوٹل منتقل کیا گیا۔ مہمان ٹیم آج آرام کرے گی جبکہ کل دوپہر سے ٹریننگ سیشن میں حصہ لے گی۔ جنوبی افریقی ٹیم 10 فروری کو اپنے پہلے میچ میں نیوزی لینڈ کے خلاف میدان میں اترے گی۔
دوسری جانب، نیوزی لینڈ کی ٹیم بھی تین ملکی سیریز میں شرکت کے لیے دبئی کے راستے لاہور پہنچی۔ اسکواڈ میں کپتان کین ولیمسن، ڈیرل مچل، مائیکل بریسویل، مارک چیپمین، ڈیون کونوے، لوکی فرگوسن، میٹ ہینری، ٹام لیتھم اور گلین فلپس شامل ہیں۔
