جی ایچ کیو حملہ کیس، پی ٹی آئی کے 6 رہنماؤں کو گرفتار کرکے پیش کرنے کا حکم
انسداد دہشت گردی عدالت نے جی ایچ کیو حملہ کیس میں مسلسل غیر حاضری پر تحریک انصاف کے 6 رہنماؤں کے وارنٹ گرفتاری جاری کرتے ہوئے ان کو گرفتار کر کے عدالت میں پیش کرنے کا حکم دیا ہے۔
اے ٹی سی نے وارنٹ گرفتاری تحریری طور پر جاری کر دیے ہیں اور پولیس کو ملزمان کو گرفتار کر کے کل عدالت میں پیش کرنے کا پابند کیا گیا ہے۔
یہ حکم گزشتہ روز اڈیالہ جیل میں دورانِ سماعت جاری کیا گیا تھا، تاہم آج انسداد دہشت گردی کی خصوصی عدالت نے تحریری طور پر وارنٹ گرفتاری جاری کر دیے ہیں۔
جن رہنماؤں کے خلاف وارنٹ گرفتاری جاری کیے گئے ہیں، ان میں بلال اعجاز، زین قریشی، ناصر محفوظ، محمد عاصم، شاہ نواز احمد، اور شہیر سکندر شامل ہیں۔
