نواز شریف نے لندن جانے کا اپنا منصوبہ مؤخر کر دیا
لاہور:آئینی ترمیم کے مسئلے کی وجہ سے مسلم لیگ ن کے صدر میاں نواز شریف نے لندن جانے کا اپنا منصوبہ مؤخر کر دیا ہے۔
اطلاعات کے مطابق نواز شریف کا اس ہفتے کے دوران لندن جانے کا ارادہ تھا۔ آئینی ترمیم کے معاملے کے حل ہونے کے بعد وہ نہ صرف لندن بلکہ امریکا بھی جانے کا ارادہ رکھتے ہیں۔
ذرائع کے مطابق آئینی ترمیم کی پیشی اسی ہفتے یا اگلے ہفتے کے آغاز میں متوقع ہے۔ مزید یہ کہ آئینی ترمیم لانے سے پہلے سپریم کورٹ کے فیصلے کا انتظار کیا جا رہا ہے۔
