ن لیگ نے سیاست کا نقصان ملک کے لیے برداشت کیا:عابد شیر علی
اسلام آباد: مسلم لیگ (ن) کے سینئر رہنما عابد شیر علی نے ایک بیان میں کہا ہے کہ وہ صرف پاکستان کے وفادار ہیں اور حکومت سنبھالنے کا فیصلہ اس لیے کیا تاکہ ملک کو معاشی مشکلات سے بچایا جا سکے۔ انہوں نے واضح کیا کہ اگر ان کی جماعت حکومت کو نہ سنبھالتی تو ڈالر کا ریٹ، مہنگی بجلی، اور بے روزگاری کو روکنا ممکن نہ ہوتا۔
عابد شیر علی نے کہا کہ انہوں نے نواز شریف کے ساتھ تین سال گزارے ہیں اور انہیں بہت قریب سے جانا ہے۔ ان کے مطابق ان کی جماعت نے ملک کے مفاد میں سیاست کا نقصان بھی برداشت کیا اور بعض خطائیں بھی ہوئیں، لیکن یہ سب ذاتی مفادات کے لیے نہیں بلکہ ملک کے لیے کیا گیا۔
انہوں نے مزید کہا کہ مریم نواز نے عوام کو دو ماہ کا ریلیف فراہم کیا ہے اور آئندہ دو ماہ میں سولر پینلز بھی فراہم کیے جائیں گے۔ انہوں نے اس بات پر بھی زور دیا کہ مریم نواز پنجاب میں ہر مریض کے گھر مفت ادویات بھیج رہی ہیں۔
