پاکستانی ہائی کمشنر کی ڈاکٹر یونس سے اہم ملاقات، دونوں ممالک کے تعلقات پر تبادلہ خیال
پاکستانی ہائی کمشنر سید احمد معروف نے ڈھاکہ میں بنگلہ دیش کی عبوری حکومت کے سربراہ پروفیسر ڈاکٹر محمد یونس سے ملاقات کی۔ یہ ملاقات صدارتی محل میں ہوئی،اس اہم ملاقات میں دونوں رہنماؤں نے باہمی دلچسپی کے امور پر تبادلہ خیال کیا۔
ملاقات کے دوران ڈاکٹر محمد یونس نے پاکستان کے ساتھ اپنے گرمجوش تعلقات کا اظہار کیا۔ پاکستانی ہائی کمشنر نے بنگلہ دیش کے عوام کے لیے پاکستان کی جانب سے نیک تمناؤں کا پیغام پہنچایا اور امید ظاہر کی کہ ڈاکٹر یونس بنگلہ دیش کو ایک پرامن اور خوشحال مستقبل کی طرف لے جائیں گے۔
ڈاکٹر محمد یونس نے پاکستانی ہائی کمشنر کی نیک خواہشات پر شکریہ ادا کیا اور اس ملاقات کو دونوں ممالک کے درمیان تعلقات میں ایک اہم قدم قرار دیا۔
