کرکٹ معاملات دیکھنے کیلئے چیئرمین پی سی بی نے بڑافیصلہ کردیا
لاہور (سپورٹس ڈیسک) سابق کپتان وقار یونس نے پی سی بی چیئرمین کے ایڈوائزر کے طور پر اپنے عہدے کا آغاز کر دیا ہے۔ اطلاعات کے مطابق، پی سی بی کے چیئرمین محسن نقوی نے کرکٹ کے امور کی نگرانی کا ذمہ وقار
یونس کو سونپ دیا ہے۔
وقار یونس کی پہلی ذمہ داری بنگلا دیش کے خلاف سیریز کے انتظامات دیکھنا ہے، جس میں وہ ٹیسٹ سیریز کے لیے سلیکٹرز اور کوچز کے ساتھ رابطہ رکھیں گے۔ سیریز کا آغاز 21 اگست سے
ہوگا، جبکہ مہمان ٹیم 17 اگست کو اسلام آباد پہنچے گی اور سیریز سے قبل پاکستان ٹیم کے انتخاب اور کیمپ کے انعقاد کا فیصلہ کیا جائے گا۔ واضح رہے کہ چیئرمین محسن نقوی نے انتظامی امور کی
دیکھ بھال کیلئے خود کو مختص کیا ہے، جبکہ کرکٹ سے متعلق تمام فیصلے وقار یونس کے تحت ہوں گے۔
