گوجرانوالہ: بجلی بل زیادہ آنے پر بھائی کا بھائی کو قتل
گوجرانوالہ کے علاقے پرنس روڈ پر ایک افسوسناک واقعہ پیش آیا جہاں بجلی کا بل زیادہ آنے پر دو بھائیوں کے درمیان جھگڑا ہوا۔ اس جھگڑے میں بڑے بھائی نے تیز دھار آلے کا استعمال کرتے ہوئے چھوٹے بھائی کو قتل کر دیا۔
پولیس نے موقع پر پہنچ کر لاش کو اپنی تحویل میں لے لیا اور پوسٹ مارٹم کے لیے ہسپتال منتقل کر دیا۔ مقتول اور ملزم مرتضیٰ کے درمیان کافی عرصے سے بجلی کے بل کے معاملے پر تنازع چل رہا تھا۔ پولیس کے مطابق گھر کا بل 30 ہزار سے زائد آنے پر دونوں بھائیوں میں تلخ کلامی ہوئی جو بعد میں جان لیوا تصادم میں بدل گئی۔
ملزم کو پولیس نے فوری طور پر حراست میں لے کر موقع سے شواہد اکٹھے کرنا شروع کر دیے ہیں۔ اس افسوسناک واقعہ نے علاقے میں غم و غصے کی لہر دوڑا دی ہے۔
