فلسطینی سرزمین پراسرائیلی موجودگی غیرقانونی قرار ،جلد ختم کیاجائے:عالمی عدالت انصاف
دی ہیگ: عالمی عدالت انصاف نے بڑافیصلہ دیتے ہوئے فلسطینی سرزمین پر اسرائیل کی مسلسل موجودگی کوغیر قانونی قراردے دیاہےاورفیصلہ دیاہے کہ اسے جلدختم ہوناچاہیے۔
دی ہیگ میں عالمی عدالت انصاف کے صدر نواف السلام نے فلسطینی سرزمین پر اسرائیل کے قبضے کے حوالے سے جمعے کوغیرپابندمشاورتی رائے پڑھ کرسنائی تھی ان کامزیدکہناتھاکہ اسرائیل چوتھے جنیواکنونشن کے آرٹیکل 49کے چھٹے پیراگرام کی مسلسل خلاف ورزیاں کررہاہے آرٹیکل میں لکھاہے قبضہ کرنے والی طاقت کواپنی شہری آبادی کے کچھ حصے کوملک بدرنہیں کرناچاہیے اورنہ ہی اس کے زیرقبضہ علاقے میں منتقل کرنے کی کوشش کرنی چاہیے
عالمی عدالت انصاف کے صدرنےپندرہ ججزکے پینل کے نتائج پرھتے ہوئے کہاکہ فلسطینی سرزمین میں اسرائیلی پالیسیاں اور طرز عمل ان علاقوں کے بڑے حصوں کو ضم کرنے کے مترادف ہے اور عدالت نے یہ پایا کہ اسرائیل مقبوضہ علاقے میں فلسطینیوں کے ساتھ منظم طریقے سے امتیازی سلوک کرتا ہے۔
