اسرائیلی وزیراعظم اپنی گرفتاری کے خوف سے پریشان
مقبوضہ بیت المقدس: اسرائیلی وزیراعظم نیتن یاہو عالمی عدالت کے وارنٹ گرفتاری سے بچنے کے لیے یورپ میں رکے بغیر براہ راست امریکا جائیں گے۔
24 جولائی کو وہ امریکی صدر جو بائیڈن سے ملاقات کریں گے اور کانگریس سے خطاب کریں گے۔ نیتن یاہو کو خدشہ ہے کہ اگر وہ کسی یورپی ملک میں اتریں یا یورپی فضائی حدود استعمال کریں تو انہیں گرفتار کیا جا سکتا ہے۔
اس لیے انہوں نے براہ راست واشنگٹن جانے کو ترجیح دی ہے۔ ان کے طیارے میں زیادہ سے زیادہ 60 مسافر ہوں گے تاکہ طیارہ تل ابیب سے واشنگٹن کے لیے براہ راست پرواز کر سکے۔
