شاہ محمود قریشی کو اڈیالہ سے کوٹ لکھپت جیل منتقل
انسداد دہشتگردی عدالت لاہور کے جج آج کوٹ لکھپت جیل میں سانحہ 9 مئی مقدمات کی سماعت کریں گے
لاہور: وائس چیئرمین پاکستان تحریک انصاف شاہ محمود قریشی کو سخت سکیورٹی میں اڈیالہ سے لاہور کوٹ لکھپت جیل منتقل کر دیا گیا ۔ انسداد دہشتگردی عدالت لاہور کے جج آج کوٹ لکھپت جیل میں سانحہ 9 مئی مقدمات کی سماعت کریں گے۔
جیل ذرائع کے مطابق، شاہ محمود قریشی کو لاہور میں درج سانحہ 9 مئی مقدمات میں عدالت کے سامنے پیش کیا جائے گا۔ لاہور پولیس کی جے آئی ٹی ٹیم نے اڈیالہ جیل میں ان سے دہشتگردی کے مختلف مقدمات میں تفتیش مکمل کی تھی، جس کے بعد انہیں انسداد دہشتگردی عدالت لاہور کے سامنے پیش کیا جانا تھا۔
شاہ محمود قریشی کے وکیل بیرسٹر تیمور ملک نے بتایا کہ انسداد دہشتگردی عدالت لاہور کے جج آج کوٹ لکھپت جیل میں مقدمات کی سماعت کریں گے۔ عدالتی احکامات کے بعد یہ فیصلہ کیا جائے گا کہ شاہ محمود قریشی کو لاہور میں رکھا جائے گا یا دوبارہ اڈیالہ جیل منتقل کیا جائے گا۔ ان کی قانونی ٹیم بھی لاہور پہنچ چکی ہے۔
اس منتقلی اور سماعت کے بعد شاہ محمود قریشی کی مستقبل کی قانونی صورتحال واضح ہوگی
