عالمی شہرت یافتہ نجومی بابا وانگا اپنی پیش گوئیوں کے حوالے سے دنیا بھر میں معروف ہیں۔ بلغاریہ سے تعلق رکھنے والی بابا وانگا 91 سال کی عمر میں 1996 میں انتقال کر گئیں۔ عالمی خبر رساں ادارے کے مطابق، بابا وانگا کے بارے میں کہا جاتا ہے کہ ان کی روحانی صلاحیتیں بے پناہ تھیں اور ان کی کئی پیش گوئیاں درست ثابت ہو چکی ہیں۔
بابا وانگا نے اپنی موت سے قبل دنیا کے مستقبل سے متعلق کئی پیش گوئیاں کی تھیں۔ ان کی مشہور پیش گوئیوں میں سے ایک 11 ستمبر 2001 کو نیویارک کے ٹوئن ٹاورز پر ہونے والے حملے سے متعلق تھی۔
بابا وانگا نے آنے والے برسوں اور صدیوں کے بارے میں کئی پیش گوئیاں کی ہیں، جن میں سے چند درج ذیل ہیں:
*2025: یورپ میں ایک بڑی جنگ ہوگی، جس سے براعظم کی آبادی میں نمایاں کمی ہو جائے گی۔
*2028: انسان توانائی کے نئے ذرائع کی تلاش میں سیارہ زہرہ تک پہنچ جائے گا۔
*2033: قطبین کی برف پگھلنے سے سمندر کی سطح میں نمایاں اضافہ ہوگا۔
2076: دنیا بھر میں کمیونزم پھیل جائے گا۔
2130: انسان خلائی مخلوق سے رابطہ کرنے میں کامیاب ہوگا۔
2170: دنیا بھر میں شدید قحط سالی ہوگی
3005: انسان مریخ پر پہنچ چکا ہوگا اور وہاں جنگ ہوگی۔
3797: زمین کی تباہی کا آغاز ہوگا، اور انسان دوسرے سیاروں پر سفر کرنے کی صلاحیت حاصل کر چکا ہوگا۔
5079: یہ کائنات کے خاتمے کا سال ہوگا