سال 2024 میں حج کیلئے کورونا ویکسین کی شرط ختم کردی گئی ہے۔ ملک میں سرکاری حج اسکیم کے تحت حج کے لیے درخواستوں کی وصولی جاری ہے۔ وزارت مذہبی امور کے مطابق حج درخواستوں کے لیے 15 بینکوں کی خدمات حاصل کی گئی ہیں، حج درخواستیں 15 بینکوں میں جمع کروائی جا سکتی ہیں۔
وزارت مذہبی امور کا کہنا ہے کہ سرکاری اسکیم کے تحت حج درخواستوں کی وصولی 12 دسمبر تک جاری رہے گی، آئندہ سال 89 ہزار 605 پاکستانی سرکاری اسکیم کے تحت فریضہ حج ادا کریں گے۔ وزارت مذہبی امور کے مطابق حج 2024 کیلئے کورونا ویکسین کی شرط ختم کردی گئی ہے اور عازمین حج کو کورونا سرٹیفکیٹ جمع کرانے کی ضرورت نہیں۔
دوسری جانب پاکستانی حاجیوں کیلئے گورنمنٹ نے 20 دن کے حج کا پیکج بھی متعارف کروا دیا ہے۔ وزارت مذہبی امور و بین المذاہب ہم آہنگی کے نگران وزیر انیق احمد کی جانب سے 20 روزہ ھج کے حوالے سے تفصیلات جاری کردی گئی ہیں۔ حج کی درخواستیں 27 نومبر سے شروع ہوں گی اور 12 اگست تک درخواستیں وصول کی جائیں گی۔
سرکاری سطح پر 20 روزہ حج کی قیمت 11 لاکھ 44 ہزار روپے تکھی گئی ہے جبکہ اگر آپ سپانسر شپ سکیم سے اپلائی کرنا چاہتے ہیں تو 20 روزہ حج کی قیمت 4 ہزار 50 ڈالر رکھی گئی ہے۔ اس رقم میں قربانی شامل نہیں ہے۔ اگر حجاج سرکاری سکیم کے ساتھ ہی حج کرنا چاہتے ہیں تو انہیں 60 ہزار روپے اضافی جمع کروانے ہوں گے۔