آئی سی سی ورلڈکپ 2023 کے فائنل میں آسٹریلیا کے ہاتھوں بھارتی ٹیم کو اپنے ہوم گراؤنڈ میں عبرتناک شکست کا سامنا کرجنا پڑا۔ اس شکست پر بھارتی شائقین کرکٹ کے ساتھ ساتھ بھارتی کرکٹ ٹیم کے پلئیرز بھی کافی اداس ہیں۔ آئی سی سی ورلڈ کپ 2023 کے فائنل میچ کے بعد ایسی خبریں سامنے آئی تھیں جن میں دعویٰ کیا گیا تھا کہ بھارتی سٹار کرکٹر ویرات کوہلی نے شکست کے بعد غصےمیں کینگرو کپتان پیـٹ کمنز کو انسٹا گرام سے ان فالو کردیا ہے۔
احمد آباد کے نریندر مودی اسٹیڈیم میں آسٹریلیا کے سامنے بھارتی پلیئرز کافی بے بس نظر آئے تھے اور انھیں چھ وکٹوں سے ہزیمت اٹھانا پڑی تھی۔ کوہلی اور روہت سمیت بھارتی ٹیم کے تمام پلیئرز کافی افسردہ تھے جبکہ کچھ کھلاڑی رو بھی رہے تھے۔
اسی دوران کسی نے خبر اڑا دی کہ آسٹریلیا کے چھٹے آئی سی سی کرکٹ ورلڈ کپ ٹائٹل جیتنے کے بعد بھارتی کرکٹر ویرات کوہلی نے آسٹریلوی کپتان پیٹ کمنز کو سوشل میڈیا پلیت فارم انسٹاگرام پر ان فالو کردیا ہے۔ لیکن جب ہم نے چیک کیا تو یہ بات جھوٹی نکلی اور ویرات ابھی بھی پیٹ کمنز کو فالو کر رہے ہین جبکہ پیت کمنز نے بھی انسٹا گرام پر ویرات کوہلی کو فالو کر رکھا ہے۔
