محکمہ موسمیات کی جانب سے ملک کے مختلف شہروں میں آج رات بارش کی پیشگوئی کی گئی ہے جبکہ بارش کے ساتھ ساتھ ژالہ باری کا بھی امکان ظاہر کیا گیا ہے۔ محکمہ موسمیات نے آج رات شمال مشرقی پنجاب، خیبر پختونخوا، گلگت بلتستان اور کشمیر میں بارش کا امکان ظاہر کیا ہے جبکہ ان علاقوں مین زالہ باری یعنی اولے پڑنے کا بھی امکان ہے۔
کراچی میں موسم سرما کا آغاذ ہو گیا ہے۔ گزشتہ شب کراچی میں رواں موسم کی سب سے سرد رات ریکارڈ کی گئی، کراچی کا درجہ حرارت 15.8 ڈگری سینٹی گریڈ ریکارڈ کیا گیا۔ محکمہ موسمیات کا کہنا ہے کہ دسمبر کے مہینے میں درجہ حرارت مزید گرے گا اور خنکی میں اضافہ ہوگا۔
محکمہ موسمیات نے مزید بتایا ہے کہ آئندہ 24 گھنٹوں کے دوران پاکستان کے علاقے پوٹھوہار سمیت شمال مشرقی پنجاب ،بالائی خیبر پختونخوا، گلگت بلتستان اورکشمیر میں آندھی،تیز ہواؤں اورگرج چمک کے ساتھ بارش اور پہاڑوں پر برف باری کا بھی امکان ہے۔ اس دوران چند مقا مات پر ژالہ باری کی بھی توقع ہے۔ پنجاب کے وسطی، جنوبی علاقوں اور بالائی سندھ میں صبح کے اوقات میں سموگ اور دھند چھائی رہے گی۔
