سعودی عرب نے روزگار کمانے کے خواہشمند پاکستانیوں کیلئے دروازے کھول دیئے ہیں۔ تفصیلات کے مطابق سعودی عرب کی 5 کمپنیوں کے سے پاکستان کا ہزاروں ملازمتوں کے لیے معاہدی طے پا گیا ہے۔ میڈیا رپورٹ میں کہا گیا ہے اس معاہدے کے بعد پاکستان کے15 سے 20 ہزار افراد کو سعودی عرب میں ملازمتیں ملیں گی۔ بتایا گیا ہے کہ سعودی عرب میں تعمیرات، صحت، فنانس، انجینئرنگ، آئی ٹی اور اوورہیڈ ٹرانسمیشن میں پاکستانیوں کو ملازمتوں کے مواقع ملیں گے۔
ذرائع کے مطابق سعودی تعمیراتی کمپنیوں نیسما پارٹنر اور الراشد گروپ کے ساتھ پاکستان کا افرادی قوت بھجوانے کا معاہدہ ہوگیا ہے، سعودی کمپنی مہارہ ہیومین رہسوس، البوانی اور الفنار کمپنی کے ساتھ بھی پاکستان کا معاہدے طے پا گیا ہے۔
تمام بھرتیاں اوورسیز ایمپلائمنٹ کارپوریشن کے ذریعے کی جائیں گی ،معاون خصوصی جواد سہراب ملک نے ریاض میں کمپنیوں کے ساتھ معاہدوں پر دستخط کئے ہیں۔
