شاد باغ منشیات فروش پابند سلاسل, عادی نشئی ہوئے پریشان۔ تفصیلات کے مطابق شاد باغ کے علاقے میں نشے کے عادی شخص کا بجلی کے کھمبے پر چڑھنے کا معاملہ سامنے آیا ہے۔ رپورٹ کے مطابق نشہ نہ ملنے پر منشیات کے عادی شخص یوسف نے انوکھا احتجاج کیا ہے۔ شاد باغ پولیس اطلاع ملنے پر موقع پر پہنچ گئی کہ نشے کا عادی 28 سالہ یوسف نشہ نہ ملنے کی وجہ سے کھمبے پر چڑھ گی۔
منشیات فروشوں کو پولیس نے پکڑ لیا ہے، نشہ کہاں سے خریدیں۔۔۔ نشئی کا انوکھا احتجاج pic.twitter.com/rjrsvBzPgO
— Usman Khadim Kamboh (@usmankhadimk) November 20, 2023
یوسف نے پولیس کو بتایا کہ پولیس کاروائیوں کی وجہ سے علاقہ سے نشہ نی ملتا نشہ کہاں سے خریدیں۔ پولیس کی جانب سے یوسف کو تھانہ لایا گیا۔ ایس ایچ او شاد باغ کے مطابق یوسف کو علاج معالجہ کے لیے بحالی سینٹر منتقل کیا جا رہا ہے۔ ایچ ایچ نے میڈیا سے گفتگو کرتے ہوئے کہا کہ ڈی آئی جی آپریشنز علی زیب دستگیر اور ایس ایس پی آپریشنز کے احکامات کی روشنی میں منشیات فروشوں کے خلاف کریک ڈاؤن جاری رہے گا, انسدد منشیات فروشی کے حوالہ سے کڑی نگرانی کی جا رہی ہے, منشیات سے پاک شہر کےلیے پر عزم ہیں۔
