سعودی شہزادہ یزید بن سعود انتقال کر گیا۔ تفصیلات کے مطابق سعودی وزارت داخلہ کے سابق میڈیا ڈائریکٹر شہزادہ یزید بن سعود بن عبدالعزیز دار فانی سے کوچ کر گئے ہیں۔ شاہی خاندان نے شہزادے کی وفات کی تصدیق کر دی ہے۔
سعودی شاہی خاندان آل سعود کے رکن شہزادہ یزید بن سعود، وزارت داخلہ میں میڈیا ڈائریکٹر رہے۔ ان کے انتقال پر شاہی خاندان میں سوگ کی کیفیت چھا گئی ہے۔ سعودی عرب کی حکومتی اور سماجی شخصیات نے شہزادے کے انتقال پر شدید رنج اور غم کا اظہار کیا ہے۔
سعودی شہریوں اور سعودی عرب میں مقیم افراد نے بھی شہزادہ یزید بن سعود بن عبدالعزیز کی وفات پر رنج اور دکھ کا اظہار کرتے ہوئے مرحوم کی بخشش کیلئے دعا کی ہے۔
