نامور بھارتی میوزک ریپر یویو ہنی سنگھ کی 2011 میں شالنی تلوار کے ساتھ شادی ہوئی تھی البتہ ایک سال قبل شالنی تلوار نے عدالت میں طلاق کیلئے درخواست دائر کی تھی۔ شالنی ہنی سنگھ پر جسمانی و نفسیاتی تشدد اور دوسری لڑکیوں کے ساتھ جنسی تعلقات کے ساتھ ساتھ مالی بدعنوانی کا الزام لگاتے ہوئے 20 کروڑ روپے حرجانے کا دعویٰ کیا تھا۔
ایک سال سے کیس عدالت میں چل رہا تھا۔ گزشتہ روز کیس کی سماعت کے دوران جج کے ایک سوال کے جواب میں یو یو ہنی سنگھ نے کہا کہ اب انکا شالنی کے ساتھ رہنا ممکن نہیں ہے جس پر جج نے دونوں کے درمیان طلاق کا فیصلہ سنا دیا۔
خیال رہے کہ ہنی سنگھ نے 2003 میں شہرت حاصل کی تھی اور جس وقت انکی شادی ہوئی تب وہ بھارت کے کامیاب ترین سنگرز اور ایکٹرز میں سے ایک تھے البتہ گزشتہ چند برسوں سے ہنی سنھ کی شہرت اور کامیابی کا سورج زوال کا شکار ہے۔ چند ماہ قبل ہنی سنگھ نے اپنے نئے گانے ہنی تھری پوائنٹ اوو کے ساتھ انڈسٹری مین واپسی کی ہے اور اب 2024 میں ان کی ایلبم انٹرنیشنل ویلیجر ٹو آنے والی ہے۔
