انٹرنیشنل کرکٹ کونسل آئی سی سی نے نئی ورلڈ رینکنگ جاری کر دی ہے۔ قومی کرکٹ ٹیم کے کپتان بابر اعظم 2 پوائنٹس کے ساتھ ورلڈ نمبر ون بیٹرز کی رینکنگ برقرار رکھنے میں کامیاب ہو گئے ہیں۔ بابر اعظم دنیا کے بہترین بلے بازوں کی فہرست مین سب سے اوپر ہیں۔
اس کے ساتھ ساتھ نوجوان پیسر شاہین شاہ آفریدی نے باؤلنگ کی رینکنگ میں پہلی پوزیشن پر قبضہ کر لیا ہے۔ شاہین آفریدی 673 پوائنٹس کے ساتھ نمبر ون باؤلر بن گئے ہیں۔ ورلڈ کپ میں انہوں نے 16 وکٹیں حاصل کی ہیں۔ گزشتہ روز بھی شاہین نے بہترین فارم کا مظاہرہ کرتے ہوئے بنگلہ دیش کے کلاف میچ میں 3 کھلاڑیوں کو پولین کی راہ دکھائی۔
بیٹنگ ریکنگ میں حارث روف کی 31ویں سے 26ویں پوزیشن پر ترقی ہو گئی ہے جبکہ وسیم جونیئر 18درجے ترقی کے بعد 56ویں پوزیشن پر پہنچ گئے ہیں۔ یہ پہلا موقع ہے کہ شاہین آفریدی کسی بھی فارمیٹ میں نمبر 1 رینکنگ پر فائز ہوئے ہیں اور اب پاکستانی کھلاڑی بیک وقت دو ون ڈے کیٹیگریز میں ٹاپ پوزیشن پر فائز ہیں۔
