ماں کے پیروں تلے جنت ہے، خدا بھی محبت کے ظہار کیلئے ماں کی محبت کو بطور پیمانہ استعمال کرتا ہے۔ خدا نے انسانوں میں سب سے کوبصورت رشتہ ماں کا بنایا ہے۔ ماں کے بغیر گھر ویران لگتا ہے اور ماں کی دعا جنت کی ہوا ہے۔ لیکن کچھ بدبخت ایسے بھی ہوتے ہیں جو اپنی جنت کو اپنے لیے جہنم کا سبب بنا لیتے ہیں۔
ایسا ہی واقعہ پیش آیا ہے بھارتی ریاست مہاراشٹرا کے ایک نواحی گاؤں میں جہاں ایک 26 سالہ شخص نے اپنی ماں کو زندہ جلا دیا۔ بھارتی میڈیا کے مطابق 26 سالہ ملزم شام کو گھر کھانا کھانے آیا تو اس کی والدہ سے کھانا بنانے میں ذرا دیر ہو گئی جس پر وہ بدبخت ہوش کھو بیٹھا اور اس نے طیش میں آکر ماں کو برا بھلا کہنا شروع کر دیا، پھر ایک ڈنڈے سے ماں پر تشدد کرنے لگا اور یہاں بھی اسکا دل نہ بھرا تو اس ظالم درندے نے گھر سے باہر جا کر لکڑیاں اور جھڑیاں جمع کر کے اپنی سگی ماں کو آگ میں جھونک دیا۔
اہل علاقہ نے چیخ و پکار سن کر پولیس کو بلایا اور خاتون کو آگ سے نکالا۔ خاتون کی حالت تشویشناک تھی جس پر اسے ہسپتال منتقل کردیا گیا جہاں اس کا علاج جاری ہے۔ پولیس نے ملزم کو موقع پر گرفتار کر کے اس کے خلاف مقدمہ درج کر لیا ہے۔
