کراچی (ویب ڈیسک) سپریم کورٹ کی ہدایت کے بعد، مقامی انتظامیہ کے ساتھ مل کر نسلہ ٹاور کو گرانے کا کام شروع کر دیا گیا ہے۔
نسلا ٹاور کی اوپری منزل کو مسمار کرنے کا کام مقامی مزدوروں کی مدد سے دستی طور پر شروع کر دیا گیا ہے۔ احتیاطی تدابیر کے طور پر اوپر کی منزل کے اندرونی ڈھانچے کو ابتدائی طور پر گرایا جا رہا ہے۔
کمشنر کراچی بھی مسماری کے مقام پر پہنچ گئے اور کمشنر کراچی ایسٹ زون سے بریفنگ لی۔
اس سے قبل سپریم کورٹ نے نسلہ ٹاور مسماری کیس سے متعلق کمشنر کراچی کی رپورٹ پر برہمی کا اظہار کرتے ہوئے عمارت کو فوری طور پر گرانے اور دوپہر تک رپورٹ پیش کرنے کا حکم دیا تھا۔
سپریم کورٹ کراچی رجسٹری میں کیس کی سماعت ہوئی۔ چیف جسٹس آف پاکستان جسٹس گلزار احمد کی سربراہی میں لارجر بینچ نے کمشنر کراچی سے کہا کہ اگر وہ کام نہیں کر پاتے تو وہ اپنا عہدہ چھوڑ دیں۔
